Variante 2: Für Sie

Sechzig Johr mit Turnschuah ond Schlabba
duasch Du uff dr Welt romdabba.
En guater Johrgang frech ond fleißig,
des isch dr Johrgang __________.

Morgens Kalium, Calcium, Vitamine
des isch elles scho Routine.
Obs des isch, jo so schee schlicht,
schee, dass Du jetzt 60 bischt.

Dei Mo ond Deine Kinderla,
den halt monchmol mit dir hendla.
Hosch halt koine andere verwischt,
schee, dass Du jetzt 60 bischt.

Fühlsch di mol z’jong, uff koin Fall z’alt,
beim Radla, irgendwo uff’m Asphalt,
her uff, bevors em Hendra zischt,
denk dro, dass Du jetzt 60 bischt.

Nemmsch Du en Kamm amol end Hand,
ond gucksch en Spiegel ganz entspannt
ond no a graues Hoor erwischt,
denk dro, dass Du jetzt 60 bischt.

Bisch du beim Wuahla ond beim Schaffea,
beim Wergla ond beim Zammaraffa
ond glaubsch des wär dei Lebensprlficht,
denk dro, dass Du jetzt 60 bischt.

Butza duaschd au gern die Wohnong,
di grauts vor Stroh ond au vor Pferddong,
jetzt läsch amol des blede Gewisch,
denk dro, dass Du jetzt 60 bisch.

Siehsch Dein Traummo uff sexi Bilder,
ond wonderscht di, wirsch gar net wilder
trotz dem saumäßig geila Gsicht,
denk dro, dass Du jetzt 60 bischt.

Fir elle duasch gern Socka stricka,
ond wenn’d Woll net langt a andre Farb noflicka,
weil des die beschte Lösung isch,
denk dro, dass Du jetzt 60 bisch.

Du kämpfsch mit jeder Scheißhausmuck,
die bei dir end Wohnung druckt
jetzt läsch amol den Fliegaschieß,
denk dro, dass Du jetzt 60 bisch.

Ond dusch amol a Viertele lupfa,
dr Papa fängt gfählich o zom zupfa
s’isch Zeit, dass er mit dir hoimzischt,
denk dro, dass Du jetzt 60 bischt.

Skifahra war scho doll ond luschtig,
laß lieber sei, des isch ons wichtig
bevor dr nomol ebbes brichsch,
denk dro, dass Du jetzt 60 bisch.

Legsch Du Dein Tango uffs Parkett
mit "Wiegeschritt" so richtig nett
mr sieht, Du bisch no richtig frisch,
koi Mensch merkt, dass Du 60 bisch.

Du bisch recht ehrlich ond au nett
manch Leut verstehet des halt net,
onser Lieb nie verlischt,
denkt koiner, dass Du 60 bischt.

Dia Kender kennet’s gar net fassa,
dei Ruaf, der hallt durch alle Gassa.
Se wondret sich wia laut des isch,
denkt koiner, dass Du 60 bisch.

Du willsch recht gerne hoch hinaus
mir hend ons denkt, anstatt nem Strauß
schenket mr dir, was’d nie vergisch
weil mr ons freuet, dass Du 60 bisch.

Lebe dein Leben stehts lebendig, den du bist länger Tod als Lebendig.